அன்னூர்; அன்னூர் ஐயப்பன் கோவில் கும்பாபிஷேக விழா வரும், 14ம் தேதி நடைபெறுகிறது.

அன்னூர், தென்னம்பாளையம் சாலையில், நஞ்சுண்ட விநாயகர் சமேத, ஐயப்பன் கோவில் உள்ளது. இக்கோவிலில், ஆகம சாஸ்திரம் மற்றும் சிற்ப சாஸ்திர முறைப்படி, மகா மண்டபம், புதிய சாலஹாரம், கருங்கற்களால் மதில் சுவர் மற்றும் துவார கணபதி சன்னதியில் திருப்பணிகள் செய்யப்பட்டுள்ளன. கும்பாபிஷேக விழா நாளை (12ம் தேதி) காலை 8:00 மணிக்கு விநாயகர் வழிபாடுடன் துவங்குகிறது. மாலை 3:00 மணிக்கு கரிவரதராஜ பெருமாள் கோவிலில் இருந்து தீர்த்த குடம் ஊர்வலமாக எடுத்து வரப்படுகிறது. இரவு முதல் கால வேள்வி பூஜை நடக்கிறது. வரும் 13ம் தேதி காலை இரண்டாம் கால வேள்வி பூஜையும், விமான கலசம் நிறுவுதலும், மூலவர் மற்றும் பரிவார மூர்த்திகளுக்கு, எண் வகை மருந்து சாத்துதலும் நடக்கிறது. வரும் 14ம் தேதி காலை 7:35 மணிக்கு, நஞ்சுண்ட விநாயகர், ஐயப்பன், விமானம் மற்றும் மூலமூர்த்திகளுக்கு, புனித நீர் ஊற்றி கும்பாபிஷேகம் செய்யப்படுகிறது. மகா தீபாராதனை நடைபெறுகிறது. வரும் 15ம் தேதி முதல் மண்டல பூஜை நடைபெற உள்ளது. ஏற்பாடுகளை திருப்பணி குழு மற்றும் ஐயப்ப பக்தர்கள் செய்து வருகின்றனர்.