ஊத்துக்கோட்டை; ஊத்துக்கோட்டை அருகே, மேலக்கரமனுார் கிராமத்தில், 9ம் ஆண்டு அய்யப்பசுவாமி விளக்கு பூஜை நடந்தது. அங்குள்ள கற்பக வினாயகர் கோவிலில், அய்யப்ப சுவாமி படத்திற்கு சிறப்பு பூஜை நடந்தது. நேற்று மதியம் பக்தர்களுக்கு அன்னதானம் வழங்கப்பட்டது. இரவு, 8:00 மணிக்கு உற்சவர் அய்யப்ப சுவாமி சிறப்பு அலங்காரத்தில், பெண்கள் விளக்கேந்தி செல்ல திருவீதி உலா வந்து பக்தர்களுக்கு அருள்பாலித்தார். அய்யப்பசுவாமி மாலை அணிந்த பக்தர்கள் பஜனை பாடி சென்றனர். இதில் திரளான கிராம மக்கள் கலந்து கொண்டனர்.