பெ.நா.பாளையம்; தடாகம் ரோடு, சோமையனூரில் உள்ள ஸ்வாகதம் சாய் மந்திரில் சத்ய சாய்பாபாவின், 99வது ஜெயந்தி விழா துவங்கியது.

கோவை தடாகம் ரோடு, சோமையனூர், திருவள்ளுவர் நகரில் ஸ்வாகதம் சாய் மந்திர் உள்ளது. இங்கு சத்ய சாயிபாபா, சீரடி சாயிபாபா கோவில்கள் உள்ளன. இங்கு சத்ய சாய்பாபாவின், 99வது ஜெயந்தி விழா இன்று துவங்கியது. தொடர்ந்து நான்கு நாட்கள் நடக்கும் நிகழ்ச்சியில் இன்று காலை, 7:30 மணிக்கு கணபதி பூஜை, தொடர்ந்து கணேஷ் குழுவினரின் நாம சங்கீர்த்தனம், தீபாராதனை நிகழ்ச்சி நடந்தது.

நாளை வெள்ளிக்கிழமை காலை, 7:30 மணிக்கு கோ பூஜை, கணபதி பூஜை, மகா சங்கல்பம், கணபதி ஹோமம், நவகிரக ஹோமம், தீபாராதனை நிகழ்ச்சிகள் நடக்கின்றன. மாலை ரஞ்ஜனி மகேஷ், பைரவி கோபி குழுவினரின் மெல்லிசை நிகழ்ச்சி நடக்கிறது. சனிக்கிழமை காலை ஆயுஷ் ஹோமம், நட்சத்திர ஹோமம், கால பைரவர் ஹோமம், நடக்கிறது. மாலை, 6:30 மணிக்கு சாய் கிருபா குழுவினரின் இன்னிசை நிகழ்ச்சி நடக்கிறது. ஞாயிற்றுக்கிழமை காலை சுவாசினி பூஜை, வடுபூஜை, கன்னியா பூஜை, கோ பூஜை, தீபாராதனை நடக்கிறது. மாலை,6:30 மணிக்கு பால மணிகண்டன் வாத்திய கலா ஷேத்ர குழுவினரின் செண்டை மேளத்துடன் தெய்வ திரு உருவங்களின் அணிவகுப்புடன் கூடிய சத்ய சாய்பாபாவின் திருவுருவப்பட ஊர்வலம், வாண வேடிக்கை நடக்கிறது. விழா நடக்கும் நான்கு நாட்களும் அன்னதானத்துக்கு ஏற்பாடு செய்யப்பட்டுள்ளது.