கம்பம்; மகர விளக்கு மண்டல பூஜை சீசனுக்கென இந்திய வானிலை ஆய்வு மையம் ஸ்பெஷல் புல்லட்டின் வெளியிடுகிறது. இந்திய வானிலை ஆய்வு மையம் அமர்நாத் யாத்திரை, கங்கா சாகர் யாத்திரை போன்றவற்றிற்கு ஸ்பெஷல் புல்லட்டின் வெளியிடுகிறது. அதைப்போல முதன் முதலாக மகர விளக்கு மண்டல பூஜை சீசனுக்கு சிறப்பு வானிலை அறிவிப்புக்களை வெளியிட அறிவிப்பு வெளியிட்டுள்ளது. சபரிமலை ஐயப்பன் கோயில் அமைந்துள்ள பத்தனம் திட்டா மாவட்ட நிர்வாகம் விடுத்த வேண்டுகோளை ஏற்று இந்த அறிவிப்பை வெளியிட்டுள்ளது. இதற்கென சன்னிதானம், பம்பை, நிலக்கல் பகுதிகளில் மழை அளவு மானிகள் மற்றும் தானியங்கி சீதோஷ்ண நிலை தெரிவிக்கும் கருவிகளை நிறுவி உள்ளது. சீசன் முடியும் வரை பம்பை, நிலக்கல், சன்னிதானத்திற்கு தினமும் சிறப்பு வானிலை அறிவிப்புக்களை வெளியிடும் என்று அறிவிக்கப்பட்டுள்ளது.