திருக்கோவிலூர்; திருக்கோவிலூர், வீரட்டானேஸ்வரர் கோவிலில் கார்த்திகை தீபத் திருவிழாவை முன்னிட்டு கோவில் வளாகத்தில் சொக்கப்பனை ஏற்றும் விழா நடந்தது.

திருக்கோவிலூர், கீழையூர், வீரட்டானேஸ்வரர் கோவிலில் கார்த்திகை தீபத் திருவிழாவை முன்னிட்டு, நேற்று அதிகாலை 5:00 மணிக்கு விக்னேஸ்வர பூஜை, கலச ஆவாஹனம், பஞ்சாசன பூஜை, மூலவருக்கு மகா அபிஷேகம், அலங்காரம், பஞ்சபிரம்ம தீப பூஜை, பரணி தீபம் ஏற்றப்பட்டது. மாலை 6:00 மணிக்கு ஆனந்த வள்ளி சமேத சந்திரசேகரர் சிறப்பு அலங்காரத்தில் எழுந்து, சோடசோபவுபச்சார தீபாராதனை நடந்தது. தொடர்ந்து கோவில் வளாகத்தில் எழுந்தருளி சொக்கப்பனை ஏற்றும் வைபவம் நடந்தது. அண்ணாமலையார் தீப ஜோதியாய் பக்தர்களுக்கு காட்சியளிக்கும் இந்நிகழ்ச்சியில் ஏராளமான பக்தர்கள் கலந்து கொண்டனர்.