பள்ளிப்பட்டு; பள்ளிப்பட்டில் இருந்து, நகரி செல்லும் சாலையில் அமைந்துள்ளது வீரமங்கள ஆஞ்சநேயர் கோவில். இங்கு காணும் பொங்கல் திருநாளான இன்று காலை 8:30 மணிக்கு, 21 அடி உயரம் கொண்ட விஸ்வரூப அனுமன் சிலை பிரதிஷ்டை நடந்தது. இதற்கான கோபூஜை, கடந்த 12ம் தேதி நடந்தது. அதை தொடர்ந்து யாகசாலை பூஜைகள் நடந்து வந்தன. நேற்று மாலை ராமர் பாதம் பிரதிஷ்டை செய்யப்பட்டது. அதை தொடர்ந்து காலை 11:00 மணிக்கு தீபாராதனை செய்யப்பட்டது. இந்த விழாவில் பள்ளிப்பட்டு மற்றும் சுற்றுவட்டார பகுதியை சேர்ந்த திரளான பக்தர்கள் பங்கேற்றனர்.