செஞ்சி; செஞ்சிக்கோட்டை ராமானுஜர் வைணவ பாதயாத்திரை சபையினர் திருப்பதிக்கு நடைபயணம் புறப்பட்டு சென்றனர்.

செஞ்சி கோட்டை ராமானுஜர் வைணவ பாதயாத்திரை சபையினர் 9ம் ஆண்டாக இன்று திருப்பதிக்கு செஞ்சியில் இருந்து திருப்பதிக்கு நடைபயணம் சென்றனர். காலை 9 மணிக்கு கிருஷ்ணாபுரம் மாரியம்மன் கோவில் ஆஞ்சநேயருக்கு அபிஷேக, ஆராதனை செய்து பாதயாத்திரையை துவக்கினர். இவர்கள் சேத்துப்பட்டு, ஆரணி, ராணிப்பேட்டை, சோளிங்கர், பள்ளிப்பட்டு, அலமேலுமங்காபுரம் வழியாக 6 நாட்கள் நடை பயணம் சென்று திருப்பதியை அடைய உள்ளனர். 28 ம் தேதி கீழ் திருப்பதியில் காலை 9 மணிக்கு படி பூஜையை துவக்கி மேல்திருப்பதிக்கு சென்று சாமி தரிசனம் செய்து யாத்திரையை நிறைவு செய்கின்றனர். இவர்கள் பயணத்தின் போது தங்குவதற்கும், உணவு ஏற்பாடுகளையும் உபயதாரர்கள் ஏற்பாடு செய்துள்ளனர்.