ருத்ரபிரயாக்; உத்தரகண்டில் உள்ள கேதார்நாத், பத்ரிநாத், கங்கோத்ரி, யமுனோத்ரி ஆகிய புனிததலங்கள் மினிசார்தாம் என அழைக்கப்படுகின்றன. இமயமலையில் கங்கை நதிக்கரையில் அமைந்துள்ள இந்த கோவில்கள் குளிர்காலத்தில் மூடப்பட்டு கோடையில் கோவில் நடை திறக்கப்படும். இந்த ஆண்டு கேதார்நாத் கோவில் நடை மே 2ம் தேதி காலை 7:00 மணிக்கு திறக்கப்படும் என அறிவிக்கப்பட்டுள்ளது. இதுகுறித்து பத்ரிநாத், கேதார்நாத் கோவில் கமிட்டி முதன்மை நிர்வாக அதிகாரி விஜய் பிரசாத் கூறியதாவது: கேதார்நாத் கோவில் நடை மே 2ல் திறக்கப்படும். அதேபோல் பத்ரிநாத் கோவில் நடை மே 4லிலும், கங்கோத்ரி மற்றும் யமுனோத்ரி கோவில் அக்ஷய திருதியை நாளான ஏப்ரல் 30ல் திறக்கப்படும். இவ்வாறு கூறினார்.