மானாமதுரை; மானாமதுரை அருகே கட்டிக்குளத்தில் உள்ள சூட்டுக்கோல் இராமலிங்க சுவாமி, அழகிய நாயகி அம்மன் கோயில் பங்குனி உற்சவ கடந்த 25ம் தேதி கொடியேற்றத்துடன் தொடங்கியது.விழாவின் முக்கிய நிகழ்ச்சியான அழகிய நாயகி அம்மன் சிம்ம வாகனத்தில் ஆண்டுக்கு ஒரு முறை சூட்டுக் கோல் ராமலிங்க சுவாமி கோவிலிலுக்கு எழுந்தருளி பக்தர்களுக்கு காட்சியளிக்கும் நிகழ்ச்சி நேற்று முன்தினம் இரவு நடைபெற்றது.இதனைத்தொடர்ந்து கருப்பனேந்தல் மடத்தின் சார்பில் சிம்ம வாகனத்தில் அம்மன் வீதிஉலா வந்த போது ஏராளமான பக்தர்கள் அர்ச்சனை செய்து அம்மனை வழிபட்டனர்.இரவு அன்னதானம், கலை நிகழ்ச்சிகள் நடைபெற்றது.வருகிற 11ம் தேதி தேரோட்டமும்,12ம் தேதி ராமலிங்க சுவாமி குதிரை வாகனத்தில் எழுந்தருளி முத்தனேந்தலில் உள்ள வைகை ஆற்றிற்கு சென்று நீராடி பக்தர்களுக்கு காட்சி தர உள்ளார்.13 ந்தேதி தீர்த்தவாரி நிகழ்ச்சியுடன் திருவிழா நிறைவு பெறுகிறது. தினந்தோறும் இரவு கலை நிகழ்ச்சிகளும் வாண வேடிக்கைகளும் நடைபெற உள்ளது. விழாவிற்கான ஏற்பாடுகளை பரம்பரை தர்மகர்த்தா நோபிள் ராம் மதன்பாபு மற்றும் கட்டுக்குளம் கிராம மக்கள் செய்து வருகின்றனர்.