திருப்பதி; ஆந்திரா மற்றும் தெலுங்கானாவில் , வைகாசி மாதத்தில் தேய்பிறை பத்தாவது நாளான தசமி அன்று அனுமன் ஜெயந்தி கொண்டாடப்படுகிறது. இந்தாண்டு நாளை மே 22 வியாழக்கிழமை அனுமன் ஜெயந்தி கொண்டாடப்படுகிறது. ஒவ்வொரு ஆண்டும் வைகாசி மாதத்தில் திருமலை க்ஷேத்திரத்தில் சிறப்பாகக் கொண்டாடப்படும் அனுமன் ஜெயந்தி நாளை பிரமாண்டமாக நடைபெற உள்ளது.  ஸ்ரீவாரி கோயிலுக்கு எதிரே உள்ள ஸ்ரீ பேடி ஆஞ்சநேய சுவாமி மற்றும் நடைபாதையில் ஏழாவது மைலில் அமைந்துள்ள ஸ்ரீ பிரசன்ன ஆஞ்சநேய சுவாமி கோவில்களில் சிறப்பு பிரார்த்தனைகள் செய்யப்படும். திருமலையில் உள்ள ஜபாலி தீர்த்தத்திலும் ஒவ்வொரு ஆண்டும் அனுமன் ஜெயந்தி சிறப்பாகக் கொண்டாடப்படுகிறது. இந்த சந்தர்ப்பத்தில், பாரம்பரியத்தின் படி, ஸ்ரீ ஜபாலி அனுமனுக்கு பட்டு வஸ்திரங்களை திருப்பதி தேவஸ்தானம் வழங்கும். இதற்கிடையில், முதல் காட் சாலையில் 7வது மைலில் அமைந்துள்ள ஸ்ரீ பிரசன்ன ஆஞ்சநேய சுவாமிக்கு அதே நாளில் பிற்பகல் 3 மணிக்கு தேவஸ்தானம் சிறப்பு பூஜை நிகழ்ச்சிகளை நடத்தும். இந்தச் சூழலில், பக்தர்கள் மற்றும் உள்ளூர்வாசிகளின் வசதிக்காக காலை 11 மணி முதல் மாலை 6 மணி வரை திருமலையிலிருந்து 7வது மைல் வரை சென்று திரும்ப இலவச போக்குவரத்து வசதியையும் திருப்பதி தேவஸ்தானம் ஏற்பாடு செய்துள்ளது.