கோவை: ஸ்ரீ சத்ய சாய் சேவா நிறுவனங்கள் தமிழ்நாடு தெற்கு சார்பில் ஸ்ரீ சத்யசாய்பாபாவின் பிறந்தநாள் விழா கோலாகலமாக கோவையில் கொண்டாடப்பட்டது.

ஸ்ரீ சத்யசாய்பாபாவின் பிறந்தநாள் விழா, ரேஸ்கோர்ஸ் வெஸ்ட் கிளப் சாலையிலுள்ள ஸ்ரீ சத்யசாய் மந்திரில் நடந்தது. காலை 5:15 மணிக்கு ஓம்காரம், சுப்ரபாதம், ரேஸ்கோர்ஸ் பகுதியில் பக்தர்களின் நகரசங்கீர்த்தனம் நடந்தது. இதில் பக்தர்கள் குழுக்கள் குழுக்களாக சத்யசாய் பஜன் பாடல்களை பாடி வந்தனர். 7 மணிக்கு பிரசாந்தி கொடியேற்றமும், உலகநலன்கருதி 7:30 மணிக்கு சிறப்பு ஹோமங்களும், சிறப்பு ஆராதனைகளும் நடந்தது. 12 மணிக்கு மஹா நாராயண சேவா, மாலை 5 மணிக்கு வேதபாராயணம், ஸ்ரீ சத்ய சாய் பஜன், மங்களஹாரத்தி, பிரசாத வினியோகம் நடந்தது. குப்பனுார், செல்லப்பகவுண்டன்புதுார், வடவள்ளி ஆகிய பகுதிகளில் மருத்துவ முகாம்களும், மருத்துவ பரிசோதனை மற்றும் சிகிச்சை முகாம்களும் நடந்தது. திரளான பக்தர்கள் பங்கேற்றனர் . 

ஆர்.எஸ்.புரத்திலுள்ள ஸ்ரீ சத்யசாய் சேவா சமிதியில் சதவர்ஷ மஹோத்ஸவம் மற்றும் நுாறாவது பிறந்த நாள் நிகழ்ச்சி நடந்தது. மாலை 5 மணிக்கு வேதபாராயணம், சாய்பஜன், பாலவிகாஷ் கலாசார நிகழ்ச்சி சிறப்பு இசை நிகழ்ச்சிகள் நடந்தது. திரளான பக்தர்களும் பொதுமக்களும் பங்கேற்றனர்.