ஸ்ரீரங்கம்: ஸ்ரீரங்கம் ரங்கநாதர் கோவில் வைகுண்ட ஏகாதசி ராப்பத்து உற்சவத்தின், 10ம் நாளான நேற்று, சந்திர புஷ்கரணி குளத்தில் நம்பெருமாள் தீர்த்தவாரி கண்டருளினார். குளத்தின் தூய்மை கருதி பக்தர்கள் அனுமதிக்கப்படாததால், பாதுகாப்புப்பணியில் ஈடுபட்டிருந்த தீயணைப்புத்துறையினர், பக்தருக்கு தீர்த்தம் பிடித்து தந்தனர். ரங்கநாதர் கோவில், பரமபதநாதர் சன்னதியில் மார்கழி, 18ம் நாளான நேற்று, உற்சவ ஆண்டாளுக்கு, கண்ணாடி மாளிகையில், திருப்பாவை, 18ம் பாசுரத்தின்படி, (உந்து மதகளிற்றன்) உடையவர் அலங்காரம் செய்யப்பட்டிருந்தது. ஏராளமான பக்தர்கள் தரிசனம் செய்தனர்.