மல்லேஸ்வரம்: ஓம் ஸ்ரீ கங்கம்மா தேவி கோவில் 19ம் ஆண்டு விழா மற்றும் பிரம்மோத்சவ விழா, பிப்., 5 முதல் 7ம் தேதி வரை மூன்று நாட்கள் நடக்கிறது.

பெங்களூரு மல்லேஸ்வரத்தில் உள்ள ஓம் ஸ்ரீ கங்கம்மா கோவில் ஆண்டு விழா மற்றும் பிரம்மோத்சவத்தை ஒட்டி, பிப்., 5ம் தேதி காலை 8:00 மணிக்கு ஸ்ரீகுரு, ஸ்ரீ கணபதி, தேவி பிரார்த்தனை, கோ பூஜை, புண்யாஹ, பஞ்சகவ்யா, தேவசாந்தி, கனகதாரனை, சிறப்பு பஞ்சாமிர்த அபிஷேகம், மஹா கணபதி ஹோமம், த்வஜரோஹனா; மதியம் 12:30 மணிக்கு மஹா மங்களாரத்தி; இரவு 7:00 மணிக்கு சப்தசஷ்டி சண்டிகா பாராயணம், கலச ஸ்தாபனை, அஸ்வதன சேவை, மஹா மங்களாரத்தி;

இரண்டாம் நாளான, பிப்., 6ம் தேதி காலை 8:00 மணிக்கு சிறப்பு பஞ்சாமிர்த அபிஷேகம், மலர் அலங்காரம்; 9:00 மணிக்கு நவசண்டி ஹோமம் மஹா சங்கல்பம், மஹா சண்டிகா ஹோமம், குமாரி பூஜை, சுமங்கலி பூஜை; மதியம் 12:30 மணிக்கு பூர்ணாஹுதி, மஹாமங்களாரத்தி;

மூன்றாம் நாளான, பிப்., 7 ம் தேதி காலை 8:00 மணிக்கு கலச அர்ச்சனை ஹோமம், கும்பாபிஷேகம், சிறப்பு பஞ்சாமிர்த அபிஷேகம்; 11:00 மணிக்கு ரதங்க ஹோமம்; மதியம் 12:30 மணிக்கு ஸ்ரீகங்கம்மா தேவியின் ரத உத்சவம், பிரம்மோத்சவம், மஹா மங்களாரத்தி காண்பிக்கப்படுகிறது.

விழா நாட்களில் பகலிலும், இரவிலும் மஹா மங்களாரத்திக்கு பின், பக்தர்களுக்கு பிரசாதம் வழங்கப்படுகிறது.