கிணத்துக்கடவு: கிணத்துக்கடவு, நல்லட்டிப்பாளையம் விநாயகர், முனியப்பன், மாகாளியம்மன் கோவில் திருக்குட நன்னீராட்டு விழா நாளை நடக்கிறது.

கிணத்துக்கடவு, நல்லட்டிப்பாளையம் விநாயகர், முனியப்பன், மாகாளியம்மன் கோவில் திருக்குட நன்னீராட்டு விழா இன்று (17ம் தேதி) விக்னேஸ்வர பூஜை, மகா கணபதி ஹோமம், தீபாராதனை, வாஸ்து சாந்தி, கும்ப அலங்காரம், முதற்கால யாக பூஜை, பூர்ணாஹுதி உள்ளிட்ட நிகழ்ச்சிகளுடன் துவங்குகிறது. நாளை, 18ம் தேதி, மங்கள இசை, யத்ராதானம், விநாயகர், முனியப்பன், மாகாளியம்மன் கோவில் மகா கும்பாபிஷேகம் நடக்கிறது. இதைத்தொடர்ந்து மகா அபிஷேகம், அலங்காரம், தச தரிசனம், தீபாராதனை மற்றும் அன்னதானம் நடக்கிறது.