அச்சிறுபாக்கம்: தேன்பாக்கம் கிராமத்தில் ஏரிக்கரை பகுதி தேனி அம்மன் கோவில் தேர் திருவிழா விமரிசையாக நடந்தது.

அச்சிறுபாக்கம் அருகே தேன்பாக்கம் கிராம ஏரிக்கரை பகுதியில் பழமையான தேனி அம்மன் கோவில் உள்ளது. இங்கு ஆண்டு தோறும் ஆனி மாதத்தில் தேர் திருவிழா விமரிசையாக நடைபெறும்.

இந்தாண்டு கடந்த 24ல், நந்தவனத்தில் இருந்து, அம்மன் அழைப்பு நடந்தது. பின், காப்பு கட்டுதல் நிகழ்வு நடந்தது.

தொடர்ந்து, நேற்று முன்தினம் தீ மிதி திருவிழாவும், நேற்று மலர்களால் அலங்கரிக்கப்பட்ட பெரிய தேரில் தேனி அம்மன் எழுந்தருளி அருள்பாலித்தார்.

சுற்றுவட்டாரப் பகுதிகளைச் சேர்ந்த ஏராளமான பக்தர்கள் வடம் பிடித்து தேரை இழுத்தனர்; முக்கிய வீதி வழியாக தேர் உலா வந்தது. நிகழ்வில், ஏராளமான தரிசனம் செய்தனர்.