சூளைமேடு: சூளைமேடு, பஜனை கோவில் தெருவில், ஆனந்த விநாயகர் கோவில் உள்ளது. இக்கோவிலில் சமீபத்தில் திருப்பணிகள் முடிந்ததை அடுத்து, கும்பாபிஷேக விழா தொடங்கியது.

நேற்று காலை சிறப்பு பூஜைகளுடன் கோபுர கலசங்களுக்கு புனித நீர் ஊற்றப்பட்டு, மஹா கும்பாபிஷேகம் விமரிசையாக நடந்தது. கும்பாபிஷேக பெருவிழாவில், அப்பகுதியைச் சேர்ந்த பல்லாயிரக்கணக்கானோர் பங்கேற்று, சுவாமியை தரிசனம் செய்தனர்.

வேளச்சேரி, டான்சி தண்டீஸ்வரர் நகரில் உள்ள சுந்தர விநாயகர் கோவிலில், நேற்று காலை சுந்தர விநாயகர், துர்க்கை மஹா விஷ்ணு, தர்ஷிணாமூர்த்தி, வள்ளி தேவயானை நவக்கிரக மூர்த்திகளுடன் ராஜகோபுரத்திற்கு புனித நீர் ஊற்றி மஹா கும்பாபிஷேகம் நடந்தது.

அதேபோல், குன்றத்துார் அடுத்த மாங்காடு வேம்புலிமாரி அம்மன் கோவில், மணலிபுதுநகர் தர்மசாஸ்தா கோவில்களில், மஹா கும்பாபிஷேகம், நேற்று விமரிசையாக நடந்தது.