சூலூர்: சூலூர் எம்.ஜி.ஆர்., நகர் காமாட்யம்மன் கோவில் கும்பாபிஷேகத்தில் ஏராளமான பக்தர்கள் பங்கேற்று வழிபாடு செய்தனர்.

சூலூர் எம்.ஜி.ஆர்., நகரில் உள்ள காமாட்சியம்மன் கோவில் பழமையானது. இங்கு, வர்ணம் தீட்டுதல் உள்ளிட்ட திருப்பணிகள் நடந்து, 3 ம்தேதி மாலை, விநாயகர் வழிபாட்டுடன் கும்பாபிஷேக விழா துவங்கியது. இரண்டு கால ஹோமங்கள், பூர்ணா குதி, தீபாராதனை நடந்தன. 5 ம்தேதி காலை, புனித நீர் கலசங்கள், மேள, தாளத்துடன் கோவிலை சுற்றி எடுத்து வரப்பட்டு, 9:30 மணிக்கு, மூலவர் மற்றும் பரிவார தெய்வங்களுக்கு கும்பாபிஷேகம் நடந்தது. தொடர்ந்து, மகா அபிஷேகம் மற்றும் அலங்கார தீபாரதனை பூஜை நடந்தது. சுற்றுவட்டாரத்தை சேர்ந்த ஏராளமான பக்தர்கள் பங்கேற்று அம்மனை வழிபட்டனர். தொடர்ந்து, அன்னதானம் நடந்தது. கோவில் நிர்வாக கமிட்டியினர் ஏற்பாடுகளை செய்திருந்தனர்.