பெரியகுளம்: பெரியகுளம் கவுமாரியம்மன் கோயில் திருவிழா கோலாகலமாக நடந்து வருகிறது. தினமும் ஏராளமான பக்தர்கள் வந்து செல்கின்றனர். பெரியகுளம் கவுமாரியம்மன் கோயில் ஆனி திருவிழா கோலாகலமாக நடந்து வருகிறது. பத்து நாட்கள் நடக்கும் திருவிழாவில் நேற்று 4 ம் நாளில் ஏராளமான பக்தர்கள் அம்மனை வழிபட்டனர். அம்மன் மலர் அலங்காரத்தில் காட்சியளித்தார். உற்ஸவர் அன்னபட்சி அலங்காரத்தில் நகரின் முக்கிய வீதிகளில் வீதி உலா வந்தார். முக்கிய திருவிழா 9ம் நாளில் ஜூலை 14ல் மாவிளக்கு ரத உற்ஸவம், மறுநாள் 10 ம் நாள் ஜூலை 15ல் அக்னிசட்டி திருவிழா நடக்கிறது. ஏற்பாடுகளை மண்டகபடிதாரர்கள் மற்றும் கோயில் நிர்வாகத்தினர் செய்து வருகின்றனர்.