தமிழ் மாதங்களில் முற்றிலும் ஆன்மிக வழிபாட்டுக்கு உதந்த மாதமாக ஆடி மாதம் சிறப்பிடம் பெறுகிறது. ஆடி வெள்ளிக்கிழமை, அமாவாசை, ஆடிப்பெருக்கு, ஆடித்தபசு, ஆடிப்பூரம் என விசேஷங்கள் வரிசை கட்டி நிற்கின்றன. இத்தகைய சிறப்பு வாய்ந்த மாதத்ததில், தெய்வ வழிபாடு செய்தால், வேண்டும் வரம் கிடைக்கும் என்பது ஐதீகம்.

ஆடி மாதம் சுக்லபட்ச ஏகாதசி தினத் தன்று அன்னதானம் செய்தால் சகல பாக் கியங்களும் கிடைக்கும். ஆடி மாதம் ஏகாதசி, துவாதசி நாட்களில் அரச மரத்தை சுற்றி வந்து வழிபட்டால் வாழ்வில் மகிழ்ச்சி உண்டாகும்.

ஆடி மாத வெள்ளியில் மகாலட்சுமியை வழிபட்டால் வீட்டில் செல்வம் சேரும். ஆடி மாதம் குத்துவிளக்கை லட்சுமியாக பாவித்து அலங்கரித்து வழிபடுதல் வேண்டும். ஆடி மாதம் அம்மனுக்கு பால் பாயசம், சர்க்கரை பொங்கல் வைத்து வணங்க வேண்டும். அம்மனை வழிபடும் போது மறக்காமல் லலிதா சகஸ்ர நாமம் சொல்ல வேண்டும்.

ஆடி மாதத்தில் அம்மனுக்கு சாற்றப்படும் வளையல்களைப் பெண்கள் அணிந்து கொண்டால் திருமண பாக்கியம், குழந்தை பாக்கியம் சகல நலன்களையும் நீங்காத செல்வத்தையும் பெறலாம் என்பது ஐதீகம். ஆடி மாதம் அம்மனுக்கு உகந்த மாதம் ஆகும்.

ஆடி மாதத்தில் வரும் கிருத்திகை அமாவாசை பவுர்ணமி, ஆடிப் பெருக்கு போன்ற தினங்கள் மிகவும் சிறப்புக்கு உரியவை. ஆடி மாதம் மழை பொழிவு தொடக்கத்தை குறிப்பதால், தமிழர்கள் ஆடிப்பெருக்கை சிறப்பாக கொண்டாடுவார்கள்.

ஆடி மாதத்தில் சுவாதி நட்சத்திரத் தில் கருடாழ்வார் அவதரித்தார். அந்த தினத்தை கருட பஞ்சமி என்கிற பெயரில் கொண்டாடுவார்கள். ஆடிக் கிருத்திகை அன்று அனைத்து முருகன் கோவில்களிலும் பக்தர்கள் முருகனுக்கு விரதம் இருந்து, காவடி எடுத்து நேர்த்திக் கடன் செய்வார்கள்.