காஞ்சிபுரம்: மாமண்டூர் சந்திரமவுலீஸ்வரர் கோவிலில், காஞ்சி நால்வர் நற்பணி குழுவினர், நேற்று, துாய்மை பணி மேற்கொண்டனர்.

காஞ்சிபுரம் அடுத்த மாமண்டூரில், சவுபாக்யவதி நாயகி உடனுறை சந்திரமவுலீஸ்வர் கோவில் உள்ளது. இக்கோவிலில், காஞ்சி நால்வர் நற்பணி குழுவினர், நேற்று, துாய்மை பணி மேற்கொண்டனர். இதில், கோவில் வளாகத்தில் குவிந்திருந்த குப்பையையும், தேவையற்ற செடிகளையும் அகற்றினர். கோபுரங்கள், பிற விக்ரஹங்கள், பூஜை பொருட்கள் மற்றும் சுவாமி வஸ்திரங்கள், அலங்கார பொருட்களை சுத்தப்படுத்தினர். முன்னதாக, சென்னையைச் சேர்ந்த பழந்திருக்கோவில்கள் திருப்பணி சங்கத்தினர் சார்பில், திருவாசகம் ஒப்புவித்தல் நிகழ்ச்சி நடந்தது. இதில் பங்கேற்ற சிவ பக்தர்கள், திருவாசகம் எட்டாம் திருமுறையில், 51 பதிகங்களில் உள்ள, 658 பாடல்களையும் பாடினர்.