புதுச்சேரி: முத்தியால்பேட்டை லட்சுமி ஹயக்ரீவர் கோவிலில் நிகமாந்த மகா தேசிகன் உற்சவம் நேற்று துவங்கியது.

முத்தியால்பேட்டை ராமகிருஷ்ண நகரில் உள்ள லட்சுமி ஹயக்ரீவர் கோவிலில் 758 ம் ஆண்டு நிகமாந்த மகா தேசிகன் உற்சவம் நேற்று துவங்கி, அடுத்த மாதம் 3ம் தேதி வரை நடக்கிறது. இதையொட்டி நேற்று காலை 8.30 மணிக்கு மங்களாசாசனம் சேவை சாற்று முறை, இரவு பெருமாள், தேசிகன் புறப்பாடு நடந்தது. விழாவில் முன்னாள் நீதிபதி ராமபத்திரன் மற்றும் திரளான பக்தர்கள் கலந்து கொண்டு சாமி தரிசனம் செய்தனர். வரும் 3ம் தேதி வரை தினமும் காலை சேவை சாற்று முறையும், இரவு நிகமாந்த மகாதேசிகன் புறப்பாடு நடக்கிறது. வரும் 1ம் தேதி காலை சேவை சாற்று முறை தொடர்ந்து, இரவு பெருமாள் தேசிகன் புறப்பாடும், 2ம் தேதி இரவு சுவாமி தேசிகன் ஊஞ்சல் உற்சவமும், 3ம் தேதி இரவு பானக பூஜை நடக்கிறது. விழாவையொட்டி தினமும் மங்கள இசை மற்றும் இசைக்கச்சேரி நடக்கிறது. ஏற்பாடுகளை ராமபத்திரன், சம்பத்குமார் ஆகியோர் செய்திருந்தனர்.