புதுச்சேரி: பஞ்சவடீ ஆஞ்ஜநேயர் கோவிலில், ஸ்ரீவாரி வேங்கடாஜலபதிக்கு புரட்டாசி மாதத்தை முன்னிட்டு நேற்று திருப்பாவாடை உற்சவம் நடந்தது.

திண்டிவனம்– புதுச்சேரி நெடுஞ்சாலை பஞ்சவடீயில் வலம்புரி மகா கணபதி, பட்டாபிேஷக ராமச்சந்திரமூர்த்தி, ஸ்ரீவாரி வேங்கடாஜலபதி மற்றும் 36 அடி விஸ்வரூப ஜெயமங்கள பஞ்சமுக ஆஞ்சநேயர் சுவாமி கோவில் அமைந்துள்ளது. இந்நிலையில், புரட்டாசி மாதத்தை முன்னிட்டு, திருமலை திருப்பதியில் நடப்பதுபோன்று, ஆகம முறைப்படி பஞ்சவடீ ஆஞ்ஜநேயர் கோவிலில் உள்ள வேங்கடாஜலபதி சன்னதியில், நேற்று திருப்பாவாடை உற்சவம் நடந்தது. உற்சவம் காலை 5:00 மணிக்கு விஸ்வரூப தரிசனத்துடன் துவங்கியது. தொடர்ந்த 6:00 மணிக்கு விநாயகர் சோடஉபசாரம் நடந்தது.

தொடர்ந்து காலை 7:00 மணிக்கு மேல், திருப்பாவாடை உற்சவம் நடந்தது. இதில், புளியோதரை பிரசாதத்தால் வெங்கடாஜலபதியை உருவகப்படுத்தி, சிறப்பு பூஜைகள் நடந்தது. 7:30 மணிக்கு வேத கோஷம், ஸ்ரீனிவாச கத்யம், விேஷச திருவாராதனம், மூலவர் மற்றும் திருப்பாவாடை தளிகைக்கு சாற்றுமுறை நடந்தது. தொடர்ந்து 8:00 மணிக்கு தீர்த்தம், திருப்பாவாடை பிரசாத வினியோகம் நடந்தது. உற்சவத்தில் ஏராளமான பக்தர்கள் கலந்து கொண்டு சாமி தரிசனம் செய்தனர்.