அன்னூர்: குன்னத்தூர்புதூர், நாராயண மூர்த்தி கோவில் திருக்கல்யாண உற்சவம் நடந்தது.

குன்னத்தூர்புதூரில், 150 ஆண்டுகள் பழமையான, ஸ்ரீதேவி, பூதேவி, சமேதர, நாராயண மூர்த்தி பெருமாள் கோவிலில், புரட்டாசி மாத நான்காம் சனிக்கிழமை விழா நேற்று முன்தினம் நடந்தது. காலை 8:00 மணிக்கு ஸ்ரீதேவி பூதேவி சமேதர, நாராயணமூர்த்திக்கும், ஆஞ்சநேயருக்கும், அபிஷேக பூஜை நடந்தது. இதையடுத்து, குருக்கம்பாளையம், மாகாளியம்மன் குழுவின் பஜனை மற்றும் நடனம் நடந்தது. மதியம் அன்னதானம் வழங்கப்பட்டது. மாலையில் திருக்கல்யாண உற்சவம் நடந்தது. திரளான பக்தர்கள் பங்கேற்றனர். இரவு 7:00 மணிக்கு, நாராயண மூர்த்தி, ஸ்ரீதேவி பூதேவி சமேதரராக, சேஷ வாகனத்தில், ஊரின் முக்கிய வீதிகள் வழியாக உலா வந்து அருள் பாலித்தார். இரவு 9:00 மணிக்கு, இடிகரை பள்ளிகொண்ட அரங்கநாதர் குழுவின் பஜனை நடந்தது. தாசபளஞ்சிக இளைஞர் மற்றும் மாதர் சங்கம் சார்பில், விளையாட்டு போட்டி மற்றும் கலை நிகழ்ச்சிகள் நடந்தது. ஏற்பாடுகளை ராமானுஜ பக்த ஜன சபையினர் செய்திருந்தனர்.