மகாராஷ்டிரா: மகிஷாசுரமர்த்தினி என்பது மகிஷாசுரன் என்ற அசுரனை வதம் செய்த துர்க்கை அம்மனின் வடிவத்தையும் குறிக்கிறது. நவராத்திரியின் புனிதமான நாட்களில் அன்னை துர்கையின் தெய்வீக சக்தியை நாம் கொண்டாடும் வேளையில், மகாராஷ்டிராவின் சத்ரபதி சாம்பாஜிநகரில் உள்ள எல்லோரா குகைகளில் அமைந்துள்ள மகிஷாசுரமர்த்தினியின் பிரம்மாண்டமான சிற்பம், தீமையின் மீது நன்மை பெற்ற வெற்றியின் காலத்தால் அழியாத நினைவூட்டியாகத் திகழ்கிறது. எட்டு கரங்களைக் கொண்ட தேவி, பிரத்யாலித முத்திரையில் (வலது காலை முன்னோக்கி வைத்து நிற்கும் நிலை) மகிஷாசுரன் மீது நின்றுகொண்டு, அவனை ஈட்டியால் வதம் செய்வது போல இச்சிற்பம் வடிவமைக்கப்பட்டுள்ளது. பாதி மனிதனாகவும் பாதி விலங்காகவும் காட்சியளிக்கும் அந்த அசுரனின் தலை, சிற்ப அமைப்பின் வலதுபுறம் கிடப்பதைக் காண முடிகிறது. தேவியைத் தாக்கும் பிற அசுரர்களையும் இதில் காண முடிகிறது. அம்மனின் இந்த வடிவத்தை தரிசனம் செய்ய பயத்தைப் போக்கி, தைரியத்தையும், எதிரிகள் மீதான வெற்றியையும் பெற்று தரும்.