பதிவு செய்த நாள்

சென்னை: தமிழக கோயில்களில் மொபைல் போன்களை எடுத்துச் செல்ல விதிக்கப்பட்டிருந்த தடை நீக்கப்பட்டுள்ளது. செல்போன்களை சுவிட்ச் ஆப் செய்து எடுத்துச் செல்ல அனுமதியளிக்கப்பட்டுள்ளது.

கடந்த செப்., 1ம் தேதி முதல் தமிழகம் முழுவதும் உள்ள 52 கோவில்களில் பக்தர்கள் மொபைல் போனை எடுத்து செல்ல ஹிந்து சமய அறநிலையத்துறை தடை விதித்தது. அன்று முதல் கோவில் வளாகத்தில் அமைக்கப்பட்டு உள்ள பாதுகாப்பு பெட்டகத்தில் செலுத்தி விட்டு கோவிலுக்குள் தரிசனம் செய்தனர். இதனால் பக்தர்கள் நீண்ட நேரம் வரிசையில் காத்திருந்து மொபைல் போனை திரும்ப பெற வேண்டிருந்தது. பக்தர்களின் வசதிக்காக இந்து சமய அறநிலையத்துறை தற்போது இதில் தளர்வுகளை அறிவித்துள்ளது. பக்தர்கள் இனி தங்களின் மொபைல் போன்களை கோயிலுக்குள் எடுத்துச் செல்லலாம். 

செல்போன்களை சுவிட்ச் ஆப் செய்து எடுத்துச் செல்ல அனுமதி அளிக்கப்பட்டு இருந்தாலும், சிலைகள், பூஜைகளை போட்டோ, வீடியோ எடுப்பது, செல்பி மற்றும் சமூக வலைதள பதிவுகளை எடுக்க விதிக்கப்பட்ட தடை தொடர்ந்து நீடிக்கிறது. மீறுவோர் மீது கடும் நடவடிக்கை எடுக்கப்படும் என்று ஹிந்து சமய அறநிலையத்துறை எச்சரித்தும் உள்ளது.