ஆந்திரா: விஜயவாடாவில் உள்ள கனகதுர்கா கோவிலில் தமிழக முதல்வர் விஜய் வழிபாடு இன்று வழிபாடு செய்தார். அவருக்கு கோவில் நிர்வாகம் சார்பில் சிறப்பு வரவேற்பு மற்றும் பூர்ணகும்ப மரியாதை அளிக்கப்பட்டது.

இந்தியாவில் உள்ள 51 சக்தி பீடங்களில் ஒன்றான, ஆந்திராவின் காவல் தெய்வமான, விஜயவாடாவில் உள்ள கனகதுர்கா கோவிலில் மகிஷாசூரனை அழித்த சந்தோஷத்தில் அம்மன் தங்க மழை பொழிய செய்ததாக, இக்கோவில் வரலாறு கூறுகிறது. சிவனின் வலப்பகுதியில் அமர்ந்துள்ள அம்மன், இக்கோவிலில் இடப்பகுதியில் அமர்ந்துள்ளதோடு, 8 கைகளில் ஆயுதங்களுடன் உள்ளார். ஆதிசங்கர், இத்தலத்தில் அம்மனுக்கு முன், ஸ்ரீசக்கரத்தை பிரதிஷ்டை செய்துள்ளார். இங்கு வழிபட உடல் நலம் பெறும், எதிரி தொல்லை நீங்கும் என்பது நம்பிக்கை. இத்தகைய சிறப்பு மிக்க இத்தலத்தில் இன்று தமிழக முதல்வர் விஜய் வழிபாடு செய்தார். கோவில் நிர்வாகம் சார்பில் சிறப்பு வரவேற்பு மற்றும் பூர்ணகும்ப மரியாதை அளிக்கப்பட்டது. தமிழகத்திற்கு முறைப்படி நீரை திறக்க வலியுறுத்தி, ஆந்திர முதல்வர் சந்திரபாபு நாயுடுவை, முதல்வர் விஜய் இன்று நேரில் சந்திக்கிறார். நதிகள் இணைப்பு திட்டம் குறித்தும் வலியுறுத்த உள்ளார். இதற்காக, நீர்வளத்துறை அமைச்சர் ஆனந்த், தலைமைச் செயலர் சாய்குமார், நீர்வளத்துறை செயலர் பிரசாந்த் வடநேரே உள்ளிட்டோருடன், முதல்வர் விஜய்,  ஆந்திரா கிளம்பி சென்றார்.  தனி விமானத்தில் விஜயவாடாவில் உள்ள கன்னாவரம் விமான நிலையத்திற்குச் செல்ல உள்ளார். தமிழக முதல்வர் விஜய், ஆந்திர முதல்வர் சந்திரபாபு நாயுடுவை, மாலை சந்திக்கிறார்.அதன்பின் ஆந்திரா துணை முதல்வர் பவன் கல்யாணை சந்திக்கிறார். அங்கிருந்து, இரவு 8:00 மணிக்கு, சென்னை திரும்புகிறார்.