உத்தரப் பிரதேசம்:  உத்தரப் பிரதேசம், அயோத்தி மாவட்டத்தில் உள்ள புனிதமான மா காமாக்யா தாம் பகுதியில், கோமதி நதிக்கரையில் பிரம்மாண்டமான தீபோத்சவம் நடைபெற்றது. இது முந்தைய ஆண்டு படைக்கப்பட்ட சாதனையை முறியடித்துள்ளது. அன்னை காமாக்யாவின் பக்தர்கள் 1,51,000-க்கும் மேற்பட்ட விளக்குகளை ஏற்றி, புதியதொரு சாதனையைப் படைத்துள்ளனர். இதனையடுத்து அயோத்தியில் 10-வது தீபோத்சவம் மிக விமரிசையாக நடைபெறத் தயாராகி வருகிறது. சரயு நதிக்கரை மற்றும் ராம் கி பைடி  பகுதிகளில் 30 லட்சத்திற்கும் அதிகமான அகல் விளக்குகளை ஏற்றி, உலக சாதனை படைக்கத் திட்டமிடப்பட்டுள்ளது. இந்த மங்கலகரமான நிகழ்வைக் கொண்டாடுவதற்கான ஏற்பாடுகள் புனித நகரமான அயோத்தி முழுவதும் தீவிரமாக நடைபெற்று வருகின்றன.