சீதையின் தந்தை யார் எனக் கேட்டால் ஜனகர் என்று குறிப்பிடுவோம். ஆனால், இது மிதிலாபுரியை ஆண்ட மன்னர்களின் குடும்பப் பெயர். அவருடைய உண்மை பெயர் சீரத்வஜர். இப்பெயரோடு குடும்பப் பெயரையும் சேர்த்து சீரத்வஜ ஜனகர் என்று சொல்வர்.  சீரத்வஜர் என்றால் கலப்பைக் கொடியைக் கொண்டவர். இவர் யாகத்திற்காக நிலத்தை உழுதபோது கிடைத்த பெட்டியில் இருந்த குழந்தையே சீதை. சீதை என்பதற்கு கலப்பை உழுததால் வந்தபாதை என பொருள். கலப்பையால் உழும் பாதை நேராக இருக்கும். ஆம்.. ஒருவனுக்கு ஒருத்தி என்ற உன்னதப் பாதையை உலகோர் கடைபிடிக்க  ராமனுடன் அவதரித்தவள் இவள். இந்தியில் சீதா ரஸ்தா என்றால் நேர் சாலை என்று பொருள்.