அச்சிறுப்பாக்கம்: அச்சிறுப்பாக்கம், ஆட்சீஸ்வரர் கோவில் நுழைவாயிலில், பெரிய அளவிலான தேன் கூடு உள்ளதால், பக்தர்கள் அச்சத்துடன் கோவிலுக்கு
வருகின்றனர். அச்சிறுப்பாக்கத்தில், புகழ் பெற்ற ஸ்ரீ ஆட்சீஸ்வரர் கோவில் அமைந்துள்ளது. இக்கோவிலுக்கு உள்ளூர் மற்றும் வெளியூர்களிலிருந்து பக்தர்கள் வந்து செல்கின்றனர். கோவிலின் நுழைவுப் பகுதியில், ஒரு வாரத்திற்கு முன், தேனீக்கள் கூடு கட்ட துவங்கின. தற்போது பெரிய கூடாக உள்ளது. தேனீக்கள் பறந்தபடி இருப்பதால், கோவிலுக்கு வரும் பக்தர்கள் அச்சத்துடன் நுழைவாயிலை கடக்கின்றனர். எனவே, தேன்கூட்டை பாதுகாப்பான முறையில் அகற்ற, கோவில் நிர்வாகம் நடவடிக்கை எடுக்க வேண்டும் என, பக்தர்கள் கோரிக்கை விடுத்துள்ளனர்.