விருத்தாசலம்: திருமுதுகுன்றம் இசைச்சங்கம் சார்பில் இசையாஞ்சலி விழா, வரும் 21ம் தேதி துவங்குகிறது. விருத்தாசலம் விருத்தகிரீஸ்வரர் கோவிலில் 21ம் தேதி முதல் 25ம் தேதி வரை ஐந்து நாட்களுக்கு நடக்கும் இசையாஞ்சலி நிகழ்ச்சியை இசைச்சங்க தலைவர் அகர்சந்த் துவக்கி வைக்கிறார். தொடர்ந்து, திருப்பனந்தாள் விஸ்வநாதன், புலிவலம் சதீஷ்குமார், ஆச்சாள்புரம் செல்வம், திருமுதுகுன்றம் குருமூர்த்தியின் "நாதஸ்வர மங்கல இசை நிகழ்ச்சி நடக்கிறது. 22ம் தேதி மாலை திருத்தணி சுவாமிநாதன் "திருமுறை இசை, பண்ணப்பட்டு வெங்கடேசன் வயலின், திருவண்ணாமலை சிவக்குமார் மிருதங்கம், புவனகிரி கிருபாநிதி முகர்சங் நிகழ்ச்சியும், 23ம் தேதி மாலை தாய்ராகம் பண்பாட்டு அறக்கட்டளை இசை, பரதநாட்டிய கலைக்கூடம், ஜெயங்கொண்டசோழபுரம் வழங்கும் பரதநாட்டிய நிகழ்ச்சி நடக்கிறது. தொடர்ந்து 24ம் தேதி கும்பகோணம் கோபிநாத் வயலின், ராமகிருஷ்ணன் மிருதங்கம், ஹரிஹரசுப்ரமணியன் கடம் நிகழ்ச்சி, 25ம் தேதி சித்ரா பவுர்ணமியொட்டி, அகிலா பாட்டு, முத்துக்குமார் வயலின், இஞ்சிக்குடி மணி மிருதங்கம், வெங்கட்ரமணன் கஞ்சிரா நிகழ்ச்சி நடக்கிறது.