உத்திரமேரூர்: உத்திரமேரூர் வரதராஜப்பெருமாள் கோவிலில், கருட சேவை உற்சவம் கோலாகலமாக நடந்தது. உத்திரமேரூர், ஸ்ரீஆனந்தவல்லி நாயகா சமேத, ஸ்ரீசுந்தர வரதராஜப்பெருமாள் கோவிலில், பிரம்மோற்சவம் கடந்த, 19ம் தேதி, கொடியேற்றத்துடன் துவங்கியது. நேற்று, பிரபல உற்சவமான கருடசேவை உற்சவம் நடந்தது. காலை, 5:00 மணிக்கு, வரதராஜப்பெருமாள் கருட வாகனத்தில், எழுந்தருளி பக்தர்களுக்கு காட்சியளித்தார். சுவாமி, மாட வீதி வழியாக, பேருந்து நிலைய மண்டபத்தில் எழுந்தருளினார். பக்தர்கள், சுவாமியை தரிசனம் செய்தனர். 15 பஜனை கோஷ்டியினர் பக்திப்பாடலை பாடிச் சென்றனர்.