செஞ்சி:செல்லபிராட்டி லலிதா செல்வாம்பிகை கோவிலில் சித்ரா பவுர்ணமியை முன்னிட்டு சிறப்பு ஹோமம் நடந்தது. விழுப்புரம் மாவட்டம், செஞ்சியை அடுத்த செல்லபிராட்டியில் உள்ள லலிதா செல்வாம்பிகை கோவிலில் நேற்று சித்ரா பவுர்ணமியை முன்னிட்டு சிறப்பு ஹோமம் நடந்தது.நேற்று காலை 8 மணிக்கு சிறப்பு அபிஷேகம், அலங்காரம் செய்தனர். இரவு 7 மணிக்கு சிறப்பு ஹோமம் நடந்தது. இதில் லலிதா சகஸ்ரநாமம், லலிதா திரிசதி, லலிதா செல்வாம்பிகை கவசம், விசேஷ திரவிய ஹோமம், லலிதா செல்வாம்பிகைக்கு 1008 மந்திரங்கள் படிக்கப்பட்டன. இரவு 9 மணிக்கு மகா புஷ்பாஞ்சலியும், மகா தீபாராதனையும் நடந்தது. இதில் கிராம பொதுமக்கள் மற்றும் கோவில் நிர்வாக குழுவினர் கலந்து கொண்டனர்.