ஸ்ரீவில்லிபுத்தூர்: ஸ்ரீவில்லிபுத்தூர் ஆண்டாள் கோயிலில் சித்ரா பவுர்ணமியை முன்னிட்டு, வையாளி சேவை நடந்தது. ஆண்டாள் கோயிலில் சித்ரா பவுர்ணமியையொட்டி, மாண்டுக முனிவருக்கு சாப விமோசனம் வழங்குவதற்காக,ரெங்கமன்னார், ஆண்டாள் வையாளி சேவை ஆண்டு தோறும் நடப்பது வழக்கம். இந்தாண்டு நேற்று காலை 10 மணிக்கு, ஆண்டாள் சேஷ வாகனத்திலும்,ரெங்க மன்னார் தங்க குதிரை வானத்திலும் பச்சை பட்டு சார்த்தப்பட்டு, வீதியுலா வந்தனர்.இதை தொடர்ந்து,ஆத்துக்கடை தெருவில் வையாளி சேவை நடந்தது. ஏராளமான பக்தர்கள் கலந்து கொண்டனர். அறங்காவலர் குழு தலைவர் ரவிச்சந்திரன், செயல் அலுவலர் சுப்பிரமணியன் உட்பட ஏராளமானோர் கலந்து கொண்டனர்.