திருக்கனூர் :செட்டிப்பட்டு காளியம்மனுக்கு 108 பால் குட அபிஷேகம் நடந்தது. திருக்கனூர் அடுத்த செட்டிப்பட்டு காளியம்மன் கோவிலில் சித்ரா பவுர்ணமியை முன்னிட்டு 4ம் ஆண்டு 108 பால்குட அபிஷேகம் நேற்று நடந்தது. இதையொட்டி, காலை 7.00 மணிக்கு, சங்கராபரணி ஆற்றங்கரையிலிருந்து சக்தி கரகத்துடன் 108 பால் குடங்கள் ஊர்வலமாக எடுத்து வரப்பட்டு, 10.00 மணிக்கு அம்மனுக்கு அபிஷேகம் செய்யப்பட்டது. மாலை 4.00 மணிக்கு பொங்கல் வைத்து அபிஷேக ஆராதனை, இரவு 8.00 மணிக்கு சந்தனக்காப்பு அலங்காரத்துடன் அம்மன் வீதியுலா நடந்தது.