புதுச்சேரி: நைனார்மண்டபம், நாகமுத்து மாரியம்மன் கோவில் கும்பாபிஷேகத்தை முன்னிட்டு யாகசாலை பூஜைகள் நேற்றுமுன்தினம் மாலை துவங்கியது. நைனார்மண்டபம், கடலூர் சாலையில் நாகமுத்து மாரியம்மன் கோவில் உள்ளது. இக்கோவில் திருப்பணி முடிந்து இன்று (22ம் தேதி) கும்பாபிஷேகம் நடக்கிறது. அதையொட்டி, நேற்றுமுன்தினம் மாலை யாகசாலை பூஜைகள் துவங்கியது. இன்று காலை 10.00 மணி முதல் 10.45க்குள் கும்பாபிஷேகம் நடக்கிறது.ஏற்பாடுகளை திருப்பணிக் குழுவினர், ஊர் பொதுமக்கள் செய்து வருகின்றனர். நேற்று நடந்த யாகசாலை நிகழ்ச்சியில் திருப்பணிக்குழு தலைவர் நடராஜன், சிறப்பு அதிகாரி பழனிச்சாமி மற்றும் உறுப்பினர்கள், பொது மக்கள் பங்கேற்றனர்.