வாலாஜாபாத்: நவராத்திரியையொட்டி, கட்டவாக்கத்தில் கொலு கண்காட்சி நடந்து வருகிறது.வாலாஜாபாத் அடுத்த, கட்டவாக்கம் கிராமத்தில் உள்ளது விஸ்வரூப லஷ்மி நரசிம்மர் சன்னிதி. இந்த கோவிலில், நவராத்திரியை முன்னிட்டு கொலு கண்காட்சி வரும், 15ம் தேதி வரை நடக்க உள்ளது. வைஷ்ணவ சம்பிரதாய குரு பரம்பரை மற்றும் பிரகலாத சரித்திரம், நரசிம்ம அவதாரம் உள்ளிட்ட, 300க்கும் மேற்பட்ட பொம்மைகள் வைக்கப்பட்டுள்ளன. சென்னை உட்பட, பல பகுதிகளைச் சேர்ந்தவர்கள் இதை காண வருகின்றனர். இதில், மகா விஷ்ணு வராக அவதாரம் எடுத்து, ஹிரண்யாட்சனை வதம் செய்து பூமி தேவியை மீட்பது போன்றும், வடிவமைக்கப்பட்டுள்ளது. இக்கண்காட்சி, 34 பகுதிகளாக கோவிலின் இரு பகுதிகளிலும் வைக்கப்பட்டுள்ளது. கண்காட்சியை அமைத்த, நித்யா வாசுதேவன் பக்தர்களுக்கு இது பற்றி விளக்கி வருகிறார்.