ஸ்ரீவில்லிபுத்தூர்: ஸ்ரீவில்லிபுத்தூர் ஆண்டாள் கோயில் திருக்கல்யாண விழா, கொடியேற்றத்துடன் துவங்கியது. இதையொட்டி, நேற்று முன்தினம் காலை 10:.30 மணிக்கு, கருடாழ்வார் முத்திரை பதித்த கொடி, நான்கு ரதவீதிகளும் சுற்றி வரப்பட்டு, கொடிமரத்தில் ஏற்றப்பட்டது. சிறப்பு பூஜைகள் நடந்தன. இதையொட்டி, ஆண்டாள், ரெங்கமன்னார் சிறப்பு அலங்காரத்தில் பக்தர்களுக்கு அருள்பாலித்தனர். தக்கார் ரவிச்சந்திரன், செயல் அலுவலர் ராமராஜா , டி.எஸ்.பி., முரளீதரன் டி.எஸ்.பி., மற்றும் ஏராளமான பக்தர்கள் கலந்து கொண்டனர்.  விழாவின் முக்கிய நிகழ்ச்சியான ஆண்டாள், ரெங்க மன்னார் தேரில் எழுந்தருளுதலும், தொடர்ந்து தேரோட்டமும், ஏப்.,13 ல் நடக்கிறது. அதன்பின், கோட்டை தலைவாசல் ரேணுகா தேவி கோயிலில், திருக்கல்யாண பட்டு புடவை, வேட்டி, திருமாங்கல்யம் பெறுதல் நடக்கிறது. இரவு 7:00 மணிக்கு ஆடிப்பூர மண்டபத்தில் ஆண்டாள், ரெங்கமன்னார் திருக்கல்யாணம் நடக்கிறது. ஏப்., 17 ல் குறடில் புஷ்பயாகம் நடக்கிறது.