ராமநாதபுரம் : ராமநாதபுரம் முகவை ஊரணி மேல்கரை ராஜகாளியம்மன் கோயிலில், 17ம் ஆண்டு சித்ரா பவுர்ணமி திருவிழா, மகா சண்டி ஹோமம் மே 10ல் காப்பு கட்டுதலுடன் துவங்குகிறது. மே 11ல் சப்தசதி பாராயணம், தீபாராதனை, இரவு 6 மணிக்கு சக்கரராஜ தீப பூஜை பிரதட்ஷணம், 12ல் சுவாசினி பூஜை, நெய் வேத்யம் தீபாராதனை, 13ல் 1008 திருவிளக்கு பூஜை, அஷ்டோத்திர அர்ச்சனை, 14ல் சித்ரா பவுர்ணமி விழா நடைபெறுகிறது. அன்று மாலை 4 மணிக்கு அம்மன் சர்வ அலங்காரத்துடன், கோயிலில் இருந்து புறப்பட்டு நொச்சிவயல் ஊரணி சென்றடைகிறார். அங்கிருந்து பால்குடம், அக்னி சட்டிகளுடன் பக்தர்களுடன் ஊர்வலமாக கோயில் வந்து அருள்பாலிக்கிறார்.