திருவள்ளூர்: திருவள்ளூர் பகுதிகளில், தட்சிணாமூர்த்திக்கு பால் மற்றும் சிறப்பு அபிஷேக வழிபாடு நடைபெற்றன. திருவள்ளூர் அடுத்த, பூங்கா நகர் யோகஞான தட்சிணாமூர்த்தி கோவிலில், வியாழக்கிழமையான நேற்று காலை, குரு பகவானுக்கு, 108 லிட்டர் பாலாபிஷேகம் நடைபெற்றது. தொடர்ந்து, மலர் அலங்காரம் செய்யப்பட்டு, சிறப்பு பூஜை நடைபெற்றது. இதே போல், திருவள்ளூர் தீர்த்தீஸ்வரர் கோவில், சிவா - விஷ்ணு கோவில்களில், தட்சிணாமூர்த்திக்கு சிறப்பு அலங்காரம் செய்யப்பட்டு, அபிஷேகம் நடைபெற்றது. மேலும், திருப்பாச்சூர் தங்காதலி அம்மன் உடனுறை வாசீஸ்வர சுவாமி கோவில், பெரியகுப்பம் ஆதிசோமேஸ்வரி உடனுறை ஆதிசோமேஸ்வரர் கோவிலில் உள்ள தண்டியடிகள் நாயனாருக்கு, குரு பூஜை, அபிஷேகம் நடைபெற்றன.