நாளை ஆடி கார்த்திகை. இந்த இனிய நாளில் முருகப்பெருமானை மனதில் நினைத்து, இந்த ஸ்தோத்திரத்தை படிப்போருக்கு எல்லா நன்மையும் கிடைக்கும்.

* குன்று தோறும் குடி கொண்டவரே! தெய்வானை மணாளரே! வள்ளி நாயகரே! குன்றக்குடியில் உறைபவரே! குறிஞ்சி ஆண்டவரே! தணிகாசல மூர்த்தியே! திருமால் மருமகனே! தகப்பன் சுவாமியே! சிக்கல் சிங்கார வேலரே! தண்டாயுத பாணியே! செங்கதிர் வேலவரே! முருகப் பெருமானே! முத்தமிழ் வித்தகரே! மரகத மயில் வாகனரே! விநாயகரின் சகோதரரே! ஆறுபடை வாழும் அண்ணலே! சண்முக நாதரே! எங்களுக்கு செல்வ வளம் தந்தருள்வீராக.

* உமையவள் மைந்தரே! சோலைமலை நாயகரே! வடபழநி ஆண்டவரே! எட்டுக்குடி வேலவரே! எண்கண் உறைபவரே! ஏழைப் பங்காளரே! கதிர்காம வேலவரே! காவடிப் பிரியரே! கந்தக் கோட்டத்தில் வாழ்பவரே! ஆறெழுத்து அண்ணலே! சரவண பவனே! கங்கை புத்திரரே! சூரனுக்கு வாழ்வு தந்தவரே! அவ்வைக்கு கனி அளித்தவரே! திருப்புகழ் நாயகரே! வண்ண மயில் வாகனரே! அபிஷேகப் பிரியரே! சிவனார் நெற்றியில் உதித்தவரே! வேடர் குலதெய்வமே! வேங்கை மரமாக நின்றவரே! சுப்பிரமணியரே! குமரப் பெருமானே! சிவகுரு நாதரே! எங்கள் விருப்பங்களை நிறைவேற்றித் தருவீராக.

* கார்த்திகை பெண்களின் கண்மணியான கார்த்திகேயரே! மாயோனின் மருமகனே! சஷ்டி விரத நாயகரே! பன்னிருகை பெருமானே! அருணகிரியை காத்தவரே! சேவல் கொடி தாங்கியவரே! நக்கீரர் மனம் கவர்ந்தவரே! நல்லோர் நெஞ்சில் வாழ்பவரே! அகத்தியருக்கு இலக்கணம் உபதேசித்தவரே! திருப்பரங்குன்றத்தில் வீற்றிருப்பவரே! வயலுõர் நாயகரே! குமரகோட்டத்தில் அருள்பவரே! எங்கள் முயற்சிகளில் வெற்றியைத் தந்தருள்வீராக.

* கருணாமூர்த்தியே! அழகு தெய்வமே! பார்வதி பாலகரே! சரணடைந்தவரைக் காப்பவரே! ஆவினன்குடி வாழ்பவரே! கந்தப் பெருமானே! தேவசேனாபதியே! மருதமலை ஆண்டவரே! வெண்ணீறு அணிந்தவரே! குமரக் கடவுளே! சிந்தனைக்கு இனியவரே! என்றும் இளையவரே! ஓம் என்னும் பிரணவ மந்திரத்தின் பொருள் உரைத்தவரே! வேதம் போற்றும் வித்தகரே! கண் கண்ட தெய்வமே! கலியுக வரதரே! உமது அருளால் உலக உயிர்கள் எல்லாம் இன்புற்று வாழ வேண்டுகிறேன்.