தமயந்தியின் திருமணத்திற்காக சுயம்வரம் ஏற்பாடு செய்யப்பட்டது. அவளது காதலன் நளன், சந்தர்ப்ப சூழ்நிலையால், மண்டபத்தில் தேவர்களுடன் கலந்து அமர்ந்திருந்தான். இந்திரன் உள்ளிட்ட எல்லா தேவர்களும் நளனைப் போலவே உருமாறி சுயம்வர மண்டபத்தில் வீற்றிருந்தனர். எனவே, உண்மையான நளனைக் கண்டுபிடிப்பதில் தமயந்திக்கு சிக்கல் ஏற்பட்டது.அந்த நேரத்தில் சரஸ்வதி தேவி அவளுக்கு உதவினாள். அவள் அறிவு தெய்வம் அல்லவா? நேரில் தோன்றாமல், தமயந்தியின் அறிவில் புகுந்தாள். தேவர்களின் கால்கள் தரையில் படாது என்பதை உணர வைத்தாள். மனித நளனின் கால் மட்டும் தரையில் பதிந்திருந்தது. இதைக் கொண்டு உண்மையான நளனுக்கு மாலை சூட்டினாள். விரும்பியவனையே கணவனாக அடையும் பாக்கியம்  பெற்றாள்.