கும்பகோணம் - திருவாரூர் பேருந்து சாலையில் உள்ள அழகாபுத்தூர் படிக்காசுநாதர் கோயிலில் பிரதான நாயகனான ஆறுமுகப்பெருமான் அக்னி வடிவாக இந்திர மயூர வாகனத்தின் மேல் அமர்ந்து அருள்பாலிக்கிறார். இவருக்கு இடப்புறம் தெய்வானையும், வலப்புறம் வள்ளியும் வீற்றிருக்கின்றனர். வித்தியாசமாக மேல் வலக்கரத்தில் சக்கரமும், மேல் இடக்கரத்தில் சங்கும் ஏந்தி திருமணக்கோலத்தில் தரிசனம் தரும் இந்த முருகனுக்கு இரண்டு மாலைகள் சாத்தி, அர்ச்சனை செய்து, ஒன்றை திரும்பப் பெற்று கழுத்தில் அணிந்துகொண்டு 11 முறை வலம் வந்து பிரார்த்தனை செய்துகொண்டால் திருமணம் விரைவில் கைகூடும் என்கின்றனர்.