“நீங்கள் செருப்பு போடுகிறீர்களா? முதலில் வலது காலில் அணியுங்கள். இடது காலால்  கழற்றுங்கள். நீங்கள் ஆடை அணிகிறீர்களா? வலது புறத்தில் இருந்தே ஆரம்பியுங்கள்,”  என்கிறார் நபிகள் நாயகம். ஒருமுறை நபிகள் நாயகத்திற்கு தண்ணீர் கலந்த பால் கொடுக்கப்பட்டது. அப்போது, நாயகத்தின் வலப்புறத்தில் கிராமியத்தோழர் ஒருவரும், இடப்புறம் மற்றொரு தோழரும் அமர்ந்திருந்தனர். நாயகம் வலப்புறம் இருந்த தோழருக்கு பாலைக்கொடுத்துவிட்டு ‘வலது வலது தான்’ என்றார். “நிச்சயமாக அல்லாஹ்வும், அவன் வானவர்களும் ஸஃப்புகளின் (தொழுகைக்கான வரிசை) வலதுபுறம் உள்ளவர்கள் மீது ஸலவாத்து கூறுகின்றனர். அல்லாஹ் அவர்களுக்கு அருள்புரிகின்றான். வானவர்கள் அவர்களுக்காக துஆ செய்கின்றனர்,” என்றும் நாயகம் சொல்கிறார். இனி வலதுபக்கத்துக்கு நாம் முக்கியத்துவம் தருவோமே!