திருப்பரங்குன்றம் : திருப்பரங்குன்றம் சுப்பிரமணிய சுவாமி கோயிலில் கந்த சஷ்டி விழா தீபாவளியன்று காப்புகட்டுடன் துவங்குகிறது. வழக்கமாக தீபாவளி மறுநாள் அல்லது அதற்கடுத்த நாள் விழா துவங்கும். இந்த ஆண்டு தீபாவளியன்று காலை 9 மணிக்கு உற்சவர் சுப்பிரமணிய சுவாமி, தெய்வானைக்கும், தொடர்ந்து விரதம் மேற்கொள்ளும் பக்தர்களுக்கும் காப்பு கட்டப்படும். விழா முக்கிய நிகழ்ச்சியாக அக்., 30 ல் வேல்வாங்குதல், அக்., 31ல் சூரசம்ஹாரம், நவ., 1 காலையில் சட்ட தேரோட்டம், மாலையில் மூலவர்கள் சுப்பிரமணிய சுவாமி, கற்பக விநாயகர், துர்க்கை, சத்தியகிரீஸ்வரர், பவளக்கனிவாய் பெருமாளுக்கு வெள்ளி கவசங்கள் சாத்துப்படியாகி, பாவாடை நைவேதன தரிசனம் நடக்கிறது.