மந்திரங்களின் ராஜா என போற்றப்படும் மந்திர ராஜபத ஸ்தோத்திரம், ‘வ்ருத்தோத்புல்ல விசாலாக்ஷம்’ என்று சமஸ்கிருதத்தில் துவங்குகிறது. நாம் நினைப்பது இன்றே நடக்க வேண்டும் என்றால், நரசிம்மரை வணங்கி இதைச் சொல்ல வேண்டும். திருமணத்தடை, குழந்தையின்மை, தம்பதி கரு த்துவேறுபாடு நீங்கி சேருதல், தொழில் மந்தம், கடன் பிரச்னை போன்றவை நீங்க இதை படிக்கலாம்.
திதியின் மகனாய், தேவர் பகையாய் உதித்த இரணியன் உலகில் எவரும் அழிக்க இயலாதென்று அகந்தை கொண்டான் கிழித்தே நகத்தால் கோட்டைக் களைந்தீர்! தொழுவேன் வீரம்; துதித்தேன் போற்றி!
திருவடி பாதலம் தீண்டும்; நெடுமால் திருமுடி தீண்டும் தேவர் உலகம்! கரங்கள் திண்தோள் கடக்கும் எண்திசை உருவோ நிறைக்கும் உருள் பேரண்டம் திருமால் அவரின் திருவடி போற்றி!
கதிரும் நிலவும் கனலும் விண்மீன் உதிர்க்கும் ஒளியை உம்மிடம் பெற்றே அத்தகு ஒளியின் அளப்பரு வடிவே! நித்தமும் உம்மை நினைத்தே பணிவேன்.
புலன்கள் மற்றும் பொறிகள் இன்றியே உலகில் நடப்பவை உணரும் திறமே! எல்லாத் திக்கும் எட்டும் பார்வை வல்லவர் திருமுகம் வணங்கினேன் போற்றி!
அடியவர்க்காக அழகிய மனிதனாய் கொடிய அசுரர்க்குக் கோர சிம்மமாய்ப் பிடரி முடியும் கோரைப் பற்களும் சுடரொளி வீசத் தோன்றிய சிம்மரே! அடியேன் உந்தன் அடிமலர் பணிந்தேன்.
அண்டிய பேர்க்கு அளிப்பீர் நலன்கள்! எண்ணரும் நலன்கள் என்றும் அளிப்பதால் செந்திரு பத்ரைத் தாயின் அன்பரே! வந்தனை செய்தேன்; வாழ்த்திப் பணிந்தேன்.
வாழ்வின் முடிவில் வந்திடும் காலனைத் தாழ்வுறச் செய்து சங்கடம் தீர்ப்பீர்! எமன் தனக்கே எமன் ஆவீர்! தயவுடன் பக்தரின் பகையை அழிப்பீர்! நயந்துணைத் தொழுவேன் நரசிம்ம போற்றி!
எவரின் அடியின் ஆன்ம அர்ப்பணம் தவமாய்ச் செய்தால் மேன்மை சேருமோ எவரிடம் அடைக்கலம் புகுந்தால் துன்பம் தவறுகள் எல்லாம் சிதறி ஓடுமோ அவரை நரசிம்ம தேவைப் பணிந்தேன்.
இப்பூவுலகின் உயிர்கள் போலே அப்பால் இருக்கும் அனைத்து உயிரும் உனக்கே அடிமை ஆவதால் நானும் உனக்கே அடிமை! உணர்ந்தேன் தேவா! உன்னையே பணிந்தேன் ஏற்பாய் சரணம்!
Subscription 
நேரடி ஒளிபரப்பு 
அறுபடை வீட்டுக்கும் வரிசைப்படி ...
