*பயம், சந்தேகம்,சோம்பல் போன்ற தீய குணங்கள் மனிதனின் மனதிற்குள் பகைவர்களாக இருக்கின்றன.  இந்த பகைவர்கள் அழிந்தாலே, உ ங்களுக்கு வாழ்வில் நல்லகாலம் பிறந்து விடும்.
*தெய்வத்தை வழிபடுங்கள். பயம் சிறிதும் வேண்டாம். நல்ல காலம் உங்களை நோக்கி வந்து கொண்டிருக்கின்றது. ஒளி, வலிமை, அழகு, மகிழ்ச்சி  என எல்லா நலன்களும் உங்களைச் சேர்கிறது.
*வீட்டிலும், வெளியிலும், தனிமையிலும், கூட்டத்திலும், எதிலும், எப்போதும் நேர்மையைப் பின்பற்றுங்கள். உண்மையை மட்டும் பேசுங்கள். பி றரை ஏமாற்றவோ, பிறரிடம் ஏமாறவோ இடம் கொடுக்காதீர்கள்.
*ஆன்மிகத்தின் அடிப்படையே உண்மை தான். சாஸ்திரங்களுக்கெல்லாம் வேராகவும் உண்மை இருக்கிறது. பரமாத்மா என்னும் கடவுளின்  கண்ணாடி அதுவே. அதனால் எல்லா விஷயங்களிலும் உண்மையாக நடந்து கொள்ளுங்கள்.
*தன்னுள்  உலகத்தையும், உலகத்திடம் தன்னையும் காண்பவனே கண்களைப் பெற்றவன் என்பதே நம் முன்னோர் கொள்கை.   நான், நீ, முதலை,  ஆமை, ஈ, கருடன், கழுதை என உலகிலுள்ள உயிர்கள் அனைத்திற்கும் ஒரே உயிர். அந்த உயிரே தெய்வம்.
*கோவில் வழிபாட்டால் ஊர் ஒற்றுமை  நிறைவேறும். வீட்டு வழிபாட்டால் குடும்ப ஒற்றுமை உண்டாகும்.
*தியானத்தின் சக்தியை எளிதாக நினைக்க வேண்டாம். மனிதன் தான் விரும்புகிறபடி மாற விரும்பினால், தியானப்பயிற்சியால் அதை அடைய  முடியும்.
*உள்ளத்தில் நல்ல எண்ணங்களை வளர விட வேண்டும், தீய எண்ணங்கள் மனதில் வந்துவிடக்கூடாது என்பதில் உறுதியாக இருக்க வேண்டும்.
*ஆன்மிகத்தில் நம்பிக்கை இருந்தாலும், இல்லாவிட்டாலும் தியானம் செய்வதை கடமையாகக் கொள்ளுங்கள். தியானம் என்பது உணவைக்  காட்டிலும் இன்றியமையாதது.
*ஊற்றில் இருந்து தெளிந்த நீர் ஊறுவது போல தியானத்தின் மூலம் தெளிந்த அறிவும், ஆற்றலும் பெருகும். விருப்பங்கள் அனைத்தும் நிறை÷ வறும். அனுபவத்தின் மூலம் மட்டுமே இதை உணர முடியும்.
*‘காலம் பணவிலை உடையது’. இதை நம்மவர்கள் உணரவே இல்லை. பொழுது வீணாக்கப்படுமானால் அதற்குரிய லாபம் கிடைக்காமல் போ ய்விடும்.
*செய்ய வேண்டியதை நாளைக்குச் செய்யலாம் என்று தள்ளிப் போடக்கூடாது. மனதில் தோன்றியவுடன் சூட்டோடு பணியில் ஈடுபடுங்கள். இதன்  மூலம் செயல்கள் தடையின்றி நிறைவேறுவதைக் காண்பீர்கள்.
*பேச்சில் ஒரு மாதிரியாகவும், செயலில் வேறொரு விதமாகவும் உள்ளவர்களுடன் கனவில் கூட உறவு வைத்துக்கொள்ள வேண்டாம்.
*நம்முடைய முயற்சியை தொடக்கத்தில் பலரும் கேலி செய்வார்கள். ஆனால்,
நம்பிக்கையைக் கைவிடாமல் இருந்தால் காலப்போக்கில், அவர்களே உதவ முன்வருவார்கள்.
*எத்தனை இடையூறுகள் குறுக்கிட்டாலும் குறிக்கோளை அடைவதில் உறுதியாக  நில்லுங்கள். இப்படிப்பட்ட குணம் கொண்டவர்களே சிறந்த  மனிதர்கள்.
*வாக்கு கொடுப்பது என்பது யாருக்கும் எளிதானது. ஆனால், அதை நிறைவேற்றுவது மிகக் கடினமானது.
*கண்ணைத் திறந்து கொண்டு படுகுழியில் விழுவது போல, தீமை என்று தெரிந்த பின்னும் நல்வழியில் செல்லாமல் இருப்பது அறிவீனம்.
*அன்பால் பகை அழியும். இன்பம் உண்டாகும். எங்கும், எப்போதும் எல்லா உயிர்களிடமும் அன்பு செலுத்துங்கள்.  (மகான் மகாகவி பாரதியார்)