ராமேஸ்வரம்: ராமேஸ்வரம் ராமநாதசுவாமி கோயில் உண்டியல் திறந்து எண்ணப்பட்டதில் 28.84 லட்சம் ரூபாய் வசூலானது. பழைய 500, 1000 ரூபாய் நோட்டுகள் செல்லாது என மத்திய அரசு அறிவித்ததைத் தொடர்ந்து, தமிழகத்தில் உள்ள முக்கிய கோயில்களில் 7 நாட்களுக்கு ஒருமுறை உண்டியல் திறந்து எண்ணப்படுகிறது. இதன்படி நவ., முதல் டிச., வரையிலான 2 மாதத்தில் 5வது முறையாக டிச.,30 ராமேஸ்வரம் ராமநாதசுவாமி கோயில் உண்டியல் திறந்து எண்ணப்பட்டது. இதில் ரொக்கம் 28 லட்சத்து 84 ஆயிரத்து 884 ரூபாய், தங்கம் 21 கிராம், வெள்ளி 2 கிலோ 490 கிராம் காணிக்கையாக கிடைத்தது. கோயில் இணை ஆணையர் செல்வராஜ், உதவி கோட்ட பொறியாளர் மயில்வாகனன், உதவி ஆணையர் பாலகிருஷ்ணன், மேலாளர் லெட்சுமிமாலா, பரமக்குடி இந்து அறநிலைத்துறை உதவி ஆணையர் ராமசாமி ஆகியோர் முன்னிலையில் கோயில் ஊழியர்கள் எண்ணினர்.