குடும்பத்தில் மகிழ்ச்சி தொழிலில் வளர்ச்சி

இந்த மாதம் வளர்ச்சியான காலமாக அமையும். ஏப்.27ல்  புதன், சுக்கிரனுடன் இணைந்து சுபபலனை வாரி வழங்குவர். ராசிக்கு 10ல் இருக்கும் சூரியன் மாதம் முழுவதும் நன்மையளிப்பார்.  செவ்வாய் 11ம் இடத்திற்கு மாறுவதால் கடந்த கால பிரச்னை இனி இருக்காது.  புதிய வீடு, வாகனம் வாங்க வாய்ப்புண்டு.  ஏப். 26  வரை புதன் சாதகமற்று இருப்பதால்  முயற்சியில் சிறு தடைகள்  குறுக்கிட்டு மறையும்.  குடும்பத்தில் மகிழ்ச்சி நிறைந்திருக்கும். எதிர்பார்ப்பு ஒவ்வொன்றாக நிறைவேறும். பிள்ளைகளின் வழியில் சுபநிகழ்ச்சி நடத்த திட்டமிடுவீர்கள். வருமானம் திருப்தியளிக்கும். குடும்பத்தினருடன் சுற்றுலா சென்று மகிழ்வீர்கள். ஏப்.26க்கு பிறகு பெண்களால் பொன், பொருள் சேரும். நண்பர்களிடம் எதிர்பார்த்த உதவி கிடைக்கும். ஏப்.28,29ல் உறவினர் வருகையால் நன்மை கிடைக்கும். ஆனால் அவர்கள் வகையில் மே 9,10ல் பிரச்னை உருவாக வாய்ப்புண்டு. உடல்நிலை திருப்தியளிக்கும். கடந்த காலத்தில் இருந்த மருத்துவச் செலவு இனி இருக்காது. ஆனால், அலைச்சலால் அசதிக்கு ஆளாக நேரிடலாம்.                                                                                

தொழில், வியாபாரத்தில் நல்ல வளர்ச்சி காண்பீர்கள். சேமிக்கும் விதத்தில் வருமானம் அதிகரிக்கும். வங்கி நிதியுதவியுடன் புதிய தொழில் முயற்சியில் ஈடுபட வாய்ப்புண்டு. ஏப்.26க்கு பிறகு பெண்களை பங்குதாரராக கொண்ட நிறுவனம் நல்ல முன்னேற்றம் அடையும். பங்கு வர்த்தகத்திலும் ஆதாயம் அதிகரிக்கும். கூட்டு தொழிலில் பங்குதாரர்களின் ஒத்துழைப்பு சிறப்பாக அமையும். ஏப்.17,18, மே 14ல் எதிர்பாராத வகையில் வருமானம் வர வாய்ப்புண்டு. பணியாளர்கள் எதிர்பார்த்த சலுகை கிடைக்கப் பெறுவர். அதிகாரிகளின் ஆதரவு நல்ல முறையில் கிடைக்கும். சிலருக்கு  புதிய பதவி தேடி வரும். ஏப்.26க்கு பிறகு சக ஊழியர்கள் மிகவும் ஆதரவுடன் இருப்பர்.  மாத முற்பகுதியில் பணிச்சுமை குறுக்கிட்டாலும் திறம்பட சமாளிப்பர். ஏப்.26,27ல் நிர்வாகத்தின் மூலம் பரிசு, பாராட்டு கிடைக்கும்.  நெருப்பு, மின்சாரம் தொடர்பான பணியாளர்கள் விழிப்புடன் இருப்பது நல்லது.      
                                                                         
கலைஞர்கள் சீரான முன்னேற்றம் காண்பர். புதிய ஒப்பந்தம் விரைவில் கையெழுத்தாகும். அரசு வகையில் எதிர்பார்த்த புகழ், பாராட்டு கிடைக்கும். தொழில் ரீதியாக வெளியூர் பயணம் செல்ல நேரிடும். அரசியல்வாதிகள் மக்கள் மத்தியில் நற்பெயர் காண்பர். சிலருக்கு தலைமையின் ஆதரவால் புதிய பதவி கிடைக்கும். தொண்டர்களின் நலனில் அக்கறை உண்டாகும். அரசியல் ரீதியான நீண்ட துாரப் பயணம் அடிக்கடி செல்வர். மாணவர்களுக்கு மாத முற்பகுதியில்  விடாமுயற்சி தேவை. ஏப்.26க்கு பிறகு வளர்ச்சிக்கான வாய்ப்பு கிடைக்கும். தேர்வில்  அதிக மதிப்பெண் கிடைக்கும். போட்டி, பந்தயத்தில் வெற்றி காண்பர். நண்பர்களால் உதவி உண்டு. விவசாயிகள் நெல், சோளம், பழவகைகள், கிழங்கு வகைகள் போன்றவற்றில் கூடுதல் வருமானம் காண்பர். திட்டமிட்டபடி  புதிதாக நிலம்  வாங்க யோகமுண்டு. நிலப்பிரச்னையில் சுமூகத்தீர்வு கிடைக்கும். கால்நடை வளர்ப்பின் மூலம் வருமானம் அதிகரிக்கும்.  வழக்கு, விவகாரத்தில் சாதகமான முடிவு ஏற்படும்.                                                                               

பெண்கள்  குடும்பத்தாரிடம் நன்மதிப்பிற்கு உரியவராவர்.  கணவரின் அன்பும், ஆதரவும் கிடைக்கும். அக்கம்பக்கத்தினர் மத்தியில் செல்வாக்கு கூடும்.  வேலைக்கு செல்லும் பெண்களுக்கு சம்பள உயர்வு கிடைக்க வாய்ப்பு கிடைக்கும். தோழிகள் பணி விஷயத்தில் உதவி செய்வர். சிலருக்கு  புதிய பதவி தேடி வரும். மே 7,8ல் ஆடை, நகை வாங்குவர்.  பிறந்த வீட்டில் இருந்து சீதனம் கிடைக்கப் பெறலாம். ஏப்.19,20  சிறப்பான நாட்களாக இருக்கும். சகோதரிகளால் உதவி உண்டு.

நல்ல நாள் : ஏப்.17,18,19,20,26,27,28,29, மே 2,3,7,8,14                                                                               
கவன நாள் :  ஏப்.21,22,23  சந்திராஷ்டமம்.  இந்த நாட்களில் பண விஷயத்தில் கவனமாக
இருங்கள். குடும்ப பிரச்னைகளை அணுகும்போது பொறுமை தேவை.
அதிர்ஷ்ட எண் : 1,3,9  
நிறம் : சிவப்பு, வெள்ளை, பச்சை.   

பரிகாரம்: சதுர்த்தியன்று விநாயகர் வழிபாடு. ராகு, கேதுவுக்கு அர்ச்சனை.