ஹலசூரு: ஹலசூரு கன்னிகா பரமேஸ்வரி கோவில் கும்பாபிஷேகம் மற்றும் நாகரேஸ்வரா, பூநிலா சமேத வெங்டேஸ்வரா, லட்சுமி நரசிம்மா, ஷிருடி சாய்பாபா, நவக்கிரஹங்கள், ஆஞ்சநேயர் விக்ரஹங்கள் பிரதிஷ்டை விழா, இன்று துவங்குகிறது. இன்று காலையில் கணபதி பூஜை, கங்கா பூஜை, கணபதி ஹோமம், நவக்கிரஹ ஹோமம், தீபாராதனை, தீர்த்த பிரசாத வினியோகம், மதியம் அறநிலைய துறை முன்னாள் அமைச்சர் எஸ்.என்.கிருஷ்ணய்ய ஷெட்டி பங்கேற்கிறார்.

மாலையில் லலிதா சகஸ்ரநாமம் பாராயணம், சங்கல்ப பூஜை, வாஸ்து பூஜை, வாஸ்து சாந்தி, தீர்த்த பிரசாதம் வழங்கப்படுகிறது. நாளை காலையில் கணபதி பூஜை, சுதர்சன மகாலட்சுமி ஹோமம், தன பூஜை, புதிய விக்ரஹங்களுக்கு அஷ்டாவன பூஜை, மகா மங்களார்த்தி, தீர்த்த பிரசாத வினியோகம், ம.ஜ.த., - எம்.எல்.சி., சரவணா பங்கேற்கிறார். மாலையில் ஸ்ரீவிஷ்ணு சகஸ்ரநாமம் பாராயணம், கணபதி பூஜை, சிறப்பு கும்ப அலங்காரம், மகாமங்களார்த்தி, தீர்த்தம் வினியோகிக்கப்படுகிறது. வரும், 18ம் தேதி, காலையில் கோ பூஜை, கணபதி பூஜை, ஹோமங்கள், கன்யாசுகாசினி தம்பதி பூஜை, மகா மங்களார்த்தி, தீர்த்த பிரசாதம் வழங்கல், விக்ரஹங்களுக்கு அஷ்டபந்தன பூஜை நடக்கிறது. மாலையில் கோவிந்த நாமாவழி சகஸ்ரநாமம், பாராயணம், கணபதி பூஜை, ஹோமங்கள், அம்மனுக்கு சிறப்பு லலிதா திரிஷதி ஹோமம், பூர்ணாஹூதி, மகா மங்களார்த்தி, தீர்த்த பிரசாதம் வினியோகிக்கப்படுகிறது.

வரும், 19ம் தேதி அதிகாலை, 5:00 மணிக்கு கணபதி பூஜை, தேவதா ரக் ஷா பந்தனா, நான்காவது யாக கால பூஜை, ஹோமம் நடக்கிறது. 9:05 மணியளவில் விமான கோபுரம், ராஜகோபுரம், பரிவார தேவதைகள், மூல விக்ரஹங்களுக்கு கும்பாபிஷேகம், சிறப்பு அலங்காரம் செய்யப்படுகிறது. தீபாராதனை, மகா மங்களார்த்தி, தீர்த்த பிரசாதம் வினியோகிக்கப்படுகிறது. மேலவை தலைவர் டி.எச்.சங்கரமூர்த்தி, கர்நாடக ஆரிய வைஸ்ய மகா சங்க தலைவர் ரவி சங்கர், ஆர்ய வைஸ்ய கூட்டமைப்பு தலைவர் வெங்கடேஷ் பாபு, கவுன்சிலர்கள் மமதா சரவணா, கவுன்சிலர் கவுதம் குமார் பங்கேற்கின்றனர். மாலை, 5:30 மணியளவில், சிவ சகஸ்ரநாமம், பாராயணம் நடக்கிறது. 18, 19ம் தேதிகளில் பக்தர்களுக்கு சிற்றுண்டி, அன்னதானம் வழங்கப்படுகிறது. வரும், 20ம் தேதி முதல் ஆகஸ்ட், 6ம் தேதி வரை கோவிலில் மண்டல பூஜை நடக்கிறது. இதை முன்னிட்டு, காலை, 11:00 மணி முதல் மாலை, 5:00 மணி வரை சிறப்பு பூஜைகள், அலங்காரம், அபிஷேகம், மகா மங்களார்த்தி, தீர்த்த பிரசாத வினியோகம் நடக்கிறது.