திருவனந்தபுரம், தோனியின் இரண்டு வயது மகளுக்கு தேவசம்போர்டு சார்பில் சிறப்பு மரியாதை செலுத்தப்படும், என திருவிதாங்கூர் தேவசம்போர்டு தலைவர் பிரயார் கோபாலகிருஷ்ணன் கூறினார். ஆலப்புழா மாவட்டத்தில் பிரசித்தி பெற்ற ஆலப்புழா உண்ணிகிருஷ்ணன் கோயில் உள்ளது. அத்வைதம் மலையாள சினிமாவில் ‛ அம்பலப்புழா உண்ணி கண்ணனோடு நீ, எந்து பரிபவம்.... என்ற பாடல் பிரபலமானது. இதை பின்னணி பாடகர் எம்.பி.ஸ்ரீகுமார் பாடியியிருந்தார். தற்போது இந்த பாடலை கிரிக்கெட் வீரரின் இரண்டு வயது மகள் சிபா சிறப்பாக பாடி சமூக வலை தளங்களில் வைரலாக வந்து கொண்டிருக்கிறது. இதன் மூலம் இந்த மலையாள பாடல் உலக அளவில் பெயர் பெற்றுள்ளது. இதுகுறித்து தேவசம்போர்டு தலைவர் பிரயார் கோபாலகிருஷ்ணன் கூறியதாவது: தோனியின் மகள் இந்த பாடலை பாடியிருப்பது மகிழ்ச்சியை தருகிறது. இதன் மூலம் கோயிலும் உலக அளவில் பிரபலம் அடைந்துள்ளது. உலகில் உள்ள கடினமான மொழிகளில் ஒன்றான மலையாள மொழியில் டோனியின் மகள் பாடியுள்ளது பெருமையாக உள்ளது. அவரை கோயிலுக்கு அழைத்து சிறப்பு மரியாதை செலுத்தப்படும். இவ்வாறு அவர் கூறினார்.